اوگی،شادی سے دودن قبل دبئی پلٹ نوجوان چل بسا ،گھر ماتم کدہ بن گیا

اوگی (ہدف )خوشیوں بھراگھراچانک ماتم کدہ بن گیا،اوگی کے گائوں چن سیرمیں شادی سے دودن قبل دبئی پلٹ نوجوان باتھ روم میں نہاتے ہوئے گرکر جاں بحق ہوگیا،نوجوان کی اچانک موت پرپورے علاقہ میں کہرام مچ گیا،تفصیلات کے مطابق اوگی کی یوسی شیرگڑھ کے گائوں چن سیرکارہائشی نوجوان نوید شیرجو ہر لعزیز شخصیت شیرمحمدکابیٹااورجنرل کونسلر منیر شیر کا چھوٹا بھائی تھا،چنددن قبل دبئی سے گھرآیااوردودن بعداسکی شادی طے تھی جسکی تیاریاں زوروشورسے شروع تھیں،گھرمیں خوشیوں کے شادیانے بج رہے تھے کہ اس دوران اتوارکے روزنوجوان نویدگھرمیں باتھ روم میں نہاتے کیلئے گیا،توکافی دیرتک باہرنہ آنے پرگھروالوں کے دروازرے پردستک اورآوازوں کے باجودکوئی جواب نہ آیاتوانہوں نے دروازہ توڑکراندردیکھاتووہ بے ہوش گراپڑاتھاجسے فوری طورپرہسپتال منتقل کیاگیامگروہ جانبرنہ ہوسکااور جاں بحق ہوگیا،اسکی موت کرنٹ لگنے سے ہوئی یاگیزر کے گیس بھرنے سے وہ جاں بحق ہوا،اس حوالے سے وضاحت سامنے نہ آسکی ،نویدکی اچانک موت پرپورے علاقہ میں کہرام مچ گیا،متوفی کی نمازجنازہ آج بروزپیردن دوبجے بمقام چن سیراداکی جائیگی۔